ҶОМЕА
Ҷумъа 04 Декабр 2020 07:05
7277
Бо мақсади аз наздик шинос шудан бо шароиту имкониятҳои ҷавонон, таҳким бахшидани фаъолияти раёсату бахшҳои кор бо ҷавонон ва варзиши Вилояти Мухтори Кӯҳистони Бадахшон раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода дар ноҳияҳои Рошқалъаву Ишкошим бо масъулин вохурӣ намуд.

Дар ноҳияи Роштқалъа асосан масъалаҳои фаъолияти соҳаи кор бо ҷавонон, гузаронидани бозиҳои варзишӣ, хонишҳои сиёсӣ ва ғайра муҳокима шуданд. Инчунин, сохтмони Маркази ҷавонон дар маркази ноҳия мавриди таҳлил қарор гирифта, зикр гардид, ки бунёди чунин иншоот давра ба давра амалӣ мешавад.

Дар ноҳияи Ишкошим А. Раҳмонзода аз муассисаи мактаби варзишӣ ва сохтмони варзишгоҳи марказии ноҳия дидан карда, бо масъулини соҳаи кор бо ҷавонон ва варзиши ноҳия оид ба вусъати корҳои ободонӣ мулоқот намуд.

Ёдрас мешавем, ки ҳафтаи гузаштаи соли равон раиси кумита дар доираи сафарӣ корӣ ба ВМКБ инчунин аз бахшҳои кор бо ҷавонон ва варзиши ноҳияҳои Дарвоз, Ванҷ ва Рӯшон боздид карда, бо масъулини бахшҳо суҳбату вохӯриҳо анҷом дод.


Эзоҳи худро нависед



Рамзҳо дар расм