ҶОМЕА
Панҷшанбе 01 Декабр 2022 05:27
2047
Бар асари сардии ҳаво ва боридани борон қисме аз бастаҳои рӯзномаҳои гуногуни кишвар дар шуъбаи матбуоти даврии Китобхонаи оммавии вилоятии ба номи Тошхоҷа Асирӣ дар вилояти Суғд зарар дидаанд. Ин ҳодисаро имрӯз, 12-уми декабр зимни мутолиаи рӯзномаҳо мушоҳида намудам.

Масъулин мегӯянд, қариб давоми як сол аст, ки ҳангоми боришоти зиëди борон аз боми китобхона об мечакад.

Баҳром Мирсаидов, сардори китобхона дар суҳбат иброз дошт: "Аз ин ҳодиса Мақомоти маҳаллии вилояти Суғд огоҳ ҳастанд. Барои рафъи камбудии ҷойдошта тадбирҳои зарурӣ андешида мешаванд".

Ба қавли ҳамсӯҳбатамон, дар боришоти рӯзҳои охир тахминан 10 бастаи рӯзномаҳо сахт осеб дидаанд.
  
Китобхона чанде қабл зимни як заминларза осеб дида, қисме аз деворҳои он кафидааст. Барои таъмир аз ҷониби мақомоти маҳаллии вилояти Суғд 19700 сомонӣ маблағ ҷудо шудааст, - илова намуд Б.Мирсаидов.

Дар ҳамин ҳол сармуҳаррири радиои "Дунë-FМ"-и шаҳри Истаравшан Маҳина Атаева, ки низ дар шуъбаи матбуоти даврии китобхона рӯзнома мутолиа мекард, гуфт: "Ҳар боре ки ба Хуҷанд меоям, барои мутолиаи рӯзномаҳо ба китобхонаи Тошхоҷа Асирӣ медароям. Имрӯз, ки омадам, дар чанд тарафи шуъбаи матбуоти даврӣ сатил гузоштаанд. Китобхона, ки ҷои фарҳагӣ аст, бояд масъулин зудтар аз пайи рафъи камбудӣ шаванд. Рӯзномаву маҷаллаи солҳои қаблӣ моли таърих ҳастанд. Вақте ба он об мерасад ва фарсуда мешаванд, мо моли таърихро гум мекунем".

Бастаи рӯзномаҳои пешин зард гашта, ҳамзамон бисëр фарсуда шудаанд.

Баҳром Мирсаидов гуфт, тасмим доранд, бастаи рӯзномаҳоро муқувабандӣ намоянд, ки давоми 25 соли охир бори аввал сурат мегирад.

Соли оянда ба бунëди китобхонаи вилоятии ба номи Тошхоҷа Асирӣ дар вилояти Суғд 100 сол пур мешавад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Декабр 2022 c.