ҶОМЕА
Душанбе 20 Май 2024 01:44
8686
Чанде пеш дар шаҳри Душанбе  аввалин барномаи мобилӣ дар Тоҷикистон бо номи “Беббо”, ки барои тарбияи фарзандон нигаронида шудааст, муаррифӣ гардид.

Барномаи мазкур бо ташаббуси шарикони муштаракии Вазорати тандурустӣ ва ҳифзи иҷтимоии аҳолии Тоҷикистон ва ЮНИСЕФ дар Тоҷикистон таҳия шудааст. Таҳиягарони барномаи “Беббо”-ро бо ду забон забони тоҷикӣ ва русӣ пешниҳод намудаанд.

Барномаи мобилии “Беббо”, ташаббуси минтақавии ЮНИСЕФ дар 11 кишвари Аврупо ва Осиёи Марказӣ буда, мувофиқ ва мутобиқ будани онро барои волидон дар Тоҷикистон Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дастгирӣ намуд.

Мақсад аз таҳияи чунин барномаҳо аз он иборат аст, ки барои пешравӣ ва рушди зеҳни кӯдакон, омӯхтани дониш, тарзи дуруст нигоҳубин намудани кӯдак ва саломатии онҳо, ҳимояи кӯдак ва тарзи дурусти хӯроки солим барои кӯдакон ба волидони ҷавон кӯмак мекунад.

Барномаи мазкур барои волидони ҷавон ва парасторони кӯдакони то 6 сола мебошад. Дар барномаи мобилӣ маводҳо дар шакли видео акс ва матн дида мешаванд.

Таҳмина ЮСУФОВА, коромӯзӣ “ҶТ

Эзоҳи худро нависед



Рамзҳо дар расм