Дар нимсолаи аввали соли 2020 дар ҷумҳурӣ 5486 ҳолати бекоркунии ақди никоҳ ба қайд гирифта шудааст, ки нисбат ба ҳамин давраи соли гузашта, 579 адад кам мебошад.

Ин нукта имрӯз зимни нишасти хабарии Вазорати Адлияи кишвар баён гардида, дар шарҳи он гуфта шуд, ки хушбахтона, шумораи бекоршавии ақди никоҳ кам шудааст, ки ин аз баланд гардидани маърифати оиладорӣ ва омода будани навхонадорон ба ҳаёти мустақилона дарак медиҳад.

Вобаста ба масъалаи мазкур дар идома таъкид гардид, ки дар миёни вилоятҳои кишвар шумораи бекор кардани ақди никоҳ бештар дар вилояти Суғд ба назар расида, баъдан вилояти Хатлон ва дар ҷойи сеюм бошад, ВМКБ қарор доранд.