Консерти идонаи КҶВ дар арафаи Рӯзи Президент

Кумитаи кор бо ҷавонон ва варзиши назди Ҳукумати Ҷумҳурии Тоҷикистон тасмим дорад, ки дар арафаи таҷлили Рӯзи Президент консерти идонаеро баргузор намояд.

Чи гунае, ки аз бахши матбуоти Кумита иттилоъ доданд, ин консерт дар доираи Нақшаи чорабиниҳои фарҳангиву фароғатӣ, маърифативу сиёсӣ ва оммавию варзишӣ бахшида ба Рӯзи Президенти Ҷумҳурии Тоҷикистон ва 31 - солагии Иҷлосияи таърихии XVI Шурои Олии Ҷумҳурии Тоҷикистон таҳти унвони “Бо Пешвои миллатем!” баргузор гашта, дар он ҳунармандони саршиноси кишвар иштирок менамоянд.

Тибқи иттилоъ вақти баргузории консерт 15 ноябри соли 2023, соати 13:30 дар толори консертии “Кохи Суруш” муайян шудааст ва дар он намояндагони Дастгоҳи иҷроияи Президенти Ҷумҳурии Тоҷикистон, вакилони Маҷлиси намояндагони Маҷлиси Олӣ, роҳбарон ва намояндагони вазорату идораҳо, олимону муҳаққиқон, шоиру нависандагон, варзишгарон, ҷоизадорони мусобиқаҳои байналмилалӣ, гирандагони Стипендияи президентӣ ва ҷавонони касбу кори гуногун иштирок хоҳанд кард.

“ҶТ”