Имрӯз дар Комиссариати ҳарбии шаҳри Бохтар модароне, ки фарзандонашон дар сафи Қувваҳои Мусаллаҳи мамлакат адои хизмат мекунанд, бо медали “Модари сарбоз” сарфароз гардиданд. Дар ин бора Раёсати кор бо ҷавонон ва варзиши вилояти Хатлон иттилоъ дод.

Гуфта мешавад, ки ин медалҳо аз ҷониби Ташкилоти ҷамъиятии “Ҷанговарони башардӯст” ба чанде аз модарон ба хотири тарбияи дурусти фарзандон дар руҳияи ватанпарастӣ ва бо хоҳиши худ ба хизмати Модар-Ватан рафтан, медали “Модари сарбоз”-ро супориданд.

Дар чорабинии мазкур зикр гардид, ки таъмини фазои орому осудаи Ватан ва амнияти ҷомеа аз муҳимтарин вазифаҳои давлат маҳсуб гардида, вобаста ба он таълиму тарбия ва руҳану ҷисман омода намудани ҷавонони синни даъватӣ барои хизмат дар сафи Қувваҳои Мусаллаҳи ҷумҳурӣ беш аз пеш аҳамияти муҳим пайдо менамояд.