14 март бо ташаббуси мақомоти иҷроияи ҳокимияти давлатии шаҳри Бохтар баҳри дар сатҳи хуб ба роҳ мондани омодагиҳо ба ҷашни байналмилалии «Наврӯз-2018» дар даромадгоҳҳои шаҳр бо иштироки раисони маҳалла ва сокинон ҳашари умумӣ баргузор гадид.

Аз ҷумла дар маҳалаи “Ҳаёти нав”, ки даромадгоҳи асосии шаҳри Бохтар ба шумор меравад аз субҳи барвақт сокинон ва раисони маҳаллаҳоро дидан мумкин буд, ки ба тозаву озода кардани роҳу ҷодаҳои шаҳр ва сафед кардани дарахтон машғул буданд.

Масъулин иқдоми мазкурро  баланд бардоштани маърифати шаҳрдории сокинон ва истиқболи Наврӯзи байналмилалӣ арзёбӣ намуданд.