Дар доираи меҳмонии “Дӯст ояд гарм дар оғӯш гир” ҷавонони фаъоли кишвар нимаи дуюми рӯзи 20 октябр озими шаҳри Истаравшан гардиданд.

Дар шаҳри Истаравшан меҳмононро бо суруду мусиқӣ, ки нишона аз сулҳу ваҳдати сартосарист ва нону намак пешвоз гирифтанд.

Баъд аз пешвозгирӣ дар мақомоти иҷроияи ҳокимияти давлатии шаҳри Истаравшан аз ҷониби масъулини Кумитаи кор бо ҷавонон ва варзиши назди Ҳукумати кишвар ба намояндаи шаҳри Истаравшан ва як қатор ҷавонони фаъоли бахшҳои кор бо ҷавонони кишвар сипосномаҳо супорида шуданд.

Дар шаҳри Истаравшан иштирокчиёни меҳмонӣ ҳамзамон аз Коллеҷи ҳунарҳои мардумӣ ва қалъаи Муғ дидан намуданд.

21 октябр меҳмонии ҷавонони кишвар дар дигар шаҳру ноҳияҳои вилояти Суғд идома меёбад ва аз рафти он дар гузоришҳои дигар хабар хоҳем дод.