Нимаи дуюми рӯзи 25-уми июл дар доираи барномаи меҳмонии ҷавонони минтақаҳои гуногуни ҷумҳурӣ таҳти унвони “Дӯст ояд гарм дар оғӯш гир” ҷавонони фаъоли кишвар аз ноҳияи Дарвоз дидан намуданд.

Дар ноҳияи Дарвоз иштирокчиён аз қисми ҳарбии 0409-и Қушунҳои сарҳадии КДАМ дидан карда, масъулини Кумитаи кор бо ҷавонон ва варзиш ба афсарону сарбозони ин қисми ҳарбӣ китобҳои Пешвои миллат муҳтарам Эмомалӣ Раҳмон, инчунин китобҳои Муассисаи давлатии рӯзномаи “Ҷавонони Тоҷикистон” – “Пири дилҷавон” ва “Душанбе-ганҷе дар қалби Осиё”-ро тақдим намуданд.

Сипас ҳайати меҳмонон аз Маркази бонувони ноҳияи мазкур боздид намуданд. Гуфта шуд, ки дар ин марказ бонувон ба дӯхтани либосҳои мактабӣ машғуланд ва саҳми худро дар рушди соҳаи саноати кишвар гузошта истодаанд.

Иштирокчиёни барнома дар ноҳияи Дарвоз ҳамзамон аз Боғи парчам ва дигар мавзеъҳои сайёҳии ноҳия дидан карданд.