17-уми март Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар идомаи сафари кории худ аз корхонаи саноатии ҶДММ “Айман”-и деҳаи Қалъачаи Азими ҷамоати деҳоти Ғазантараки ноҳияи Деваштич дидан намуд.

Гуфта шуд, ки фаъолияти ҶДММ “Айман” мавсимӣ буда, муддати 8 сол аст, ки фаъолият дорад. Ҳар мавсими кор дар ин коргоҳ 40 нафар мутахассиси маҳаллӣ фаъолият мекунанд, ки 69% -и онро занон ташкил медиҳанд.

Ҳамзамон, давоми имрӯз раиси Кумитаи кор бо ҷавонон ва варзиш аз шароит ва имконияти истеҳсолии фермаи парандапарварии ҶДММ “Ҳоҷи Рауф” дидан намуд.

Таъкид карда шуд, ки дар коргоҳ муосиртарин дастгоҳу таҷҳизоти соҳавӣ насб гардида, ҷараёни нигоҳубини чӯҷаҳо, муайян намудани ҳарорати дохили парваришгоҳ, тозакунии ҳаво, додани обу ғизо ва омода намудани мурғҳои гӯштӣ тавассути технологияи компютерӣ амалӣ мешаванд.

Ба иттилои масъулин фермаи парандапарварии мазкур дар як шабонарӯз зиёда аз 7 000 дона тухм истеҳсол намуда, маҳсулоти тайёрро ба бозорҳои мамлакат интиқол медиҳад.