Бинобар сабаби истифодаи наворҳои ғайриахлоқӣ ва таҳқиромез дар шабакаҳои иҷтимоӣ як блогери дигар - Ҳимматзода Ҳабибулло дастгир карда шуд. Дар ин бора Раёсати ВКД дар шаҳри Душанбе хабар медиҳад.

Дар натиҷаи санҷишҳо муайян гардид, ки номбурда дар шабакаи иҷтимоии Инстаграм саҳифаи худро кушода, пайваста ба паҳн намудани наворҳои таҳқиромезу пур аз дашном ва алфози қабеҳ машғул будааст.

Ба гуфтаи масъулини Раёсати ВКД дар шаҳри Душанбе нисбати шаҳрванд Ҳимматзода Ҳабибулло Убайдулло протоколи ҳуқуқвайронкунии маъмурӣ тартиб дода шуда, аз ҷониби Суди ноҳияи Шоҳмансур ҷазо дар намуди ҳабси маъмурӣ ба муҳлати 5 шабонарӯз татбиқ карда шуд. Ҳамчунин, ҷиҳати минбаъд ба чунин кирдори ғайриқонунӣ даст назадан қатъиян огоҳонида шуд.

Таҳмина ЮСУФӢ, “ҶТ”