Бо мақсади сазовор таҷлил намудани ҷашни 30-солагии Истиқлолияти давлатии Ҷумҳурии Тоҷикистон дар се соли оянда дар шаҳри Душанбе бунёди 21 муассисаҳои таълимӣ бо 18 594 ҷойи нишаст, 74 корхонаҳои саноатӣ бо таъсиси беш аз 6 ҳазор ҷойҳои нави корӣ, 24 сартарошхона ва кошонаи ҳусн, бунёди 133 биноҳои баландошёна, таъмиру таҷдиди 121 хобгоҳҳо ва рангубори 2 224 бино пешбинӣ шудааст.

Дар ин бора масъулини мақомоти иҷроияи ҳокимияти давлатии шаҳри Душанбе, 31 январ, зимни нишасти матбуотӣ иттилоъ доданд.

Дар идома гуфта шуд, ки дастпарварони мактабҳои махсуси варзишии захираҳои олимпии шаҳри Душанбе соли сипаригардида, дар мусобиқаҳои ҷумҳуриявию байналмилалӣ ширкат варзида, 1616 нафар соҳиби медали тилло 1208 нафар соҳиби медали нуқра ва 1240 нафар соҳиби медали биринҷӣ гардидаанд.