Дар маҳалли “Наврӯзгоҳ”-и пойтахт “Қасри бахт” бунёд хоҳад ёфт. “Қасри бахт” чун хонаи ақди никоҳ барои навхонадорон пешбинӣ шудааст. Лоиҳаи бунёди иншооти нави дуқабата аз ҷониби ҶДММ “ҶЭм Парнерхо” омода гардида, муддати як сол бояд ба истифодабарӣ супурда шавад.

Айни замон хонаи ақди никоҳи марказии пойтахт дар бинои “Наврӯзгоҳ” ҷой гирифтааст. Як сол пеш пас аз он ки бинои Маркази равобити пойтахт ба Маркази ҷавонон табдил ёфт, бо қарори шаҳрдории пойтахт хонаи ақди никоҳи марказӣ ба “Наврӯзгоҳ” кӯчонда шуд.

“Қасри бахт” бо талаботи меъёрҳои замонавӣ бунёд ёфта, дар он тамоми шароитҳо муҳайё хоҳад шуд.