Дар Ҷумҳурии Тоҷикистон соли 2023-юм 76 ҳазору 444 ҳолати бақайдгирии ақди никоҳ ба қайд гирифта шуда, бекоршавии он 10 ҳазору 298 ҳолатро ташкил медиҳад.

Дар ин бора 12 феврал Бунафша Файзиддинзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон иттилоъ дод.

Раиси Кумита қайд намуд, ки шумораи бекоршавии ақди никоҳ нисбат ба соли гузашта 3 ҳазору 578 ҳолат кам ба қайд гирифта шудааст, ки ин шумора дар соли 2022-юм 13 ҳазору 878 нафарро ташкил медод.

Дар идома раиси Кумита перомуни шумораи кӯдакони ноболиғе, ки дар тарбияи яке аз волидон қарор доранд, гуфт:

- Теъдоди ноболиғон аз бекор кардани ақди никоҳ дар давраи ҳисоботӣ 10 ҳазору 985 нафарро ташкил медиҳад, ки нисбат ба ҳамин давраи соли 2022-юм 5 ҳазору 327 нафар кам мебошад. Албатта, ин боиси нигаронӣ аст ва дар ин самт бояд якҷоя тамоми мақомотҳои дахлдор корбарӣ намоем.