Соли равон бештар аз 4 ҳазор нафар шаҳрванди Ҷумҳурии Тоҷикистон маросими ҳаҷи фарзиро адо намудаанд. Дар ин бора Сулаймон Давлатзода, раиси Кумитаи дин, танзими анъана ва ҷашну маросими назди Ҳукумати кишвар 25-уми июл зимни нишасти матбуотӣ иттилоъ дод.

Ӯ ҳамзамон зикр кард, ки барои хизматрасониҳои мавсими ҳаҷ чӣ қадар маблағ муайян шудааст.

- Кумита тибқи тартиб корҳои омодагиро ба мавсими ҳаҷ оғоз бахшида, дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасониҳо барои мавсими ҳаҷи соли равонро 60 ҳазору 520 сомонӣ муайян намуд, - гуфт раиси кумита.

Гуфта шуд, ки айни замон бозгашти зоирони тоҷик баъди адои маносики ҳаҷ идома дорад. Бозгашти охирин гурӯҳи зоирон ба Ватан рӯзи 1-уми августи соли 2022 дар назар дошта шудааст.

Бояд гуфт, ки то соли 2020 ҳамасола аз Тоҷикистон бештар аз 6 ҳазор нафар барои адои ҳаҷи фарзӣ ба Арабистони Саудӣ мерафтанд. Бар иловаи ин, беш аз 3 ҳазори дигар ҳаҷи умраро адо мекарданд.