Дар Ҷумҳурии Тоҷикистон шумораи заноне, ки дар зиндонҳо адои ҷазо мегиранд, 483 нафарро ташкил медиҳад.

Ин нуктаро 12 феврал Бунафша Файзиддинзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон зимни нишасти хабарӣ ба рӯзноманигорон иттилоъ дод.

Ӯ зикр кард, ки аз ин шумора 349 нафар дар муассисаҳои ислоҳии занона, 30 нафар дар муассисаҳои ислоҳии сукунат ва 54 нафар дар ихтиёри мақомоти судӣ ва тафтишот қарор доранд.

- Аз инҳо заноне, ки бо фарзандонашон адои ҷазо доранд, 8 нафарро ташкил медиҳанд. Занони аз адои ҷазо озодшуда дар ин давра 77 нафарро ташкил медиҳад, - баён дошт раиси Кумита.

Инчунин номбурда зикр кард, Кумита нақша дорад, ки аз ҳоли занони зиндонӣ дар кишвар хабар гирад.