Ҳангоме ки хабарҳои баҳснок оид ба коронавирус, овозаҳо ва паёмҳои ваҳшатнок ҳама ҷоро фаро мегирад, ҳатто онҳое, ки ба оромӣ ин пайомадро қабул доранд, метавонанд ба таҳлуқа афтанд.

Ба одамоне, ки изтиробашон зиёд аст, дар вақти пандемияи коронавирус изтироб боз ҳам зиёдтар мешавад. Барои такягоҳ пайдо кардан ва ба таҳлуқа наафтидан се маслиҳати муфидро донистан хуб аст.

Маслиҳати 1-ум: Танҳо манбаъҳои боваринокро бихонед.

Муҳим ба манбаъҳои боваринок такя кунед ба мисли Созмони Умумиҷаҳонии Тандурустӣ (СУТ) ва тавсияҳои аъзои тандурустиро риоя намоед. Масалан, метавонед саволу ҷавоби СУТ-ро аз худ кунед дар мавриди COVID-19 ва ё ба кадом роҳ коронавирус сироят ва интиқол меёбад.

Агар ҳис кунед, ки аз хондани хабарҳо шумо ба таҳлуқа меафтеду сатҳи ташвишатон зиёдтар мешавад, дар сомонаҳо вақтатонро маҳдуд кунед. Метавонед барои хондани хабарҳо танҳо 30 дақиқа дар як рӯз ҷудо кунед. Ҳамчунин аҳамият диҳед, ки шумо чӣ хабарро паҳн мекунед. Танҳо хабарҳои боэътимодро паҳн намоед, то ҳангомаро ба миён наоред.

Маслиҳати 2-юм: Ба муҳокимаҳои харобиовар шарик нашавед.

Кӯшиш кунед, ки қувваи хешро бо одамони муқобили шумо андеша дошта, сарфи баҳсҳо накунед. Бояд дарк кунед, ки шумо дар ҳамон вазъият дар кадом ҳолати рӯҳӣ қарор доред. Бояд бидонед, ки барои чӣ вориди баҳс мегардед ва оё барои ин кор шумо қувваи кофӣ доред. Ҳолати беэътиноӣ ва хайрхоҳонаатонро нисбати хеш ва атрофиён нигоҳ доред.

Маслиҳати 3-юм: Дар бораи корҳои ҳаррӯзаатон андеша кунед.

Кӯшиш кунед, ки реҷаи ҳаррӯзаи хешро риоя кунед. Ба хобатон, хӯрокатон аҳамият диҳед. Инчунин ба ҳолати фаъолияти ҷисмонӣ аҳамият дода, қоидаҳои гигиениро риоя кунед. Тавсияҳои духтуронро риоя намуда, имкон бошад аз ташхиси духтурон гузаред.

Дар ҳолате, ки ташвишҳои равонӣ меафзояд, аз пурсидани кумаку дастгирӣ шарм надоред. Бо дӯстону наздикон ҳамеша дар тамос бошед, вақте ки вохӯриҳо маҳдуданд.

Агар бинед, ки эҳсосот шуморо фаро мегирад, ба равонпизишкон муроҷиат намоед.

Садбарг СУЯРОВА, “ҶТ”