Агентии хоҷагии ҷангал дар нимсолаи якум ба 174 нафар барои шикори парандагону ҳайвонот иҷозатномаи шикор додааст. Дар ин бора 31-уми июл Юсуфзода Абдуҷаббор, директори агентии мазкур дар нишасти матбуотии худ иттилоъ дод.

Бино ба иттилои ӯ Агентии хоҷагии ҷангал аз ҳисоби иҷозатномаи шикор ба буҷаи ҳукумат дар ин шашмоҳа 19, 2 ҳазор сомонӣ ворид гардонидааст.

Бояд гуфт, 174 нафаре, ки иҷозатномаи шикорро гирифтаанд, метавонанд мурғобӣ ва хукҳои ёбоиро шикор кунанд ва он ҳам бошад, танҳо дар ду мавсим, яъне баҳору тирамоҳ. Аммо мушаххасан гуфта нашуд, ки чаро танҳо барои мурғобӣ ва хукҳои ёбоӣ иҷозатномаи шикор додаанд.


Я. МАҲМАДНАБИЕВ, “ҶТ”