Дар шаҳри Дубайи Амороти Муттаҳидаи Араб Чемпионати ҷаҳон оид ба бокс миёни мардон идома дорад. Дар ин мусобиқа ду варзишгари тоҷик – Акмал Убайдов ва Хусравхон Раҳимов бо пирӯзиҳои пай дар пай ба марҳилаҳои нимниҳоӣ расиданд.

Қаҳрамони Осиё Акмал Убайдов дар вазни 60 кг дар даври чаҳорякниҳоӣ намояндаи Қазоқистон Серик Темиржановро бо қарори ягонаи доварон (5:0) шикаст дода, ба марҳилаи нимниҳоӣ роҳ ёфт. Ӯ имрӯз, соати 18:00 бо варзишгари Русия Всеволод Шумков рақобат мекунад.

Дар вазни 57 кг бошад Хусравхон Раҳимов низ бо баромади қавӣ дар марҳилаи чаҳорякниҳоӣ намояндаи Африқои Ҷанубӣ Сигвела Масибулелеро бо ҳисоби (5:0) мағлуб карда, ба нимниҳоӣ баромад. Раҳимов шоми имрӯз, соати 22:00 бо Хуҷаназар Нортоҷиев аз Ӯзбекистон нерусанҷӣ хоҳад кард.

Ёдовар мешавем, ки XXIII-умин Қаҳрамонии ҷаҳон оид ба бокс миёни мардон дар соли 2025 аз 2-юм то 13 -уми декабр дар шаҳри Дубайи АМА баргузор мегардад. Дар мусобиқа беҳтарин муштзанҳои беш аз 120 кишвар аз рӯи 13 категорияи вазнӣ ҳунарнамоӣ доранд. Фонди ҷоизаваии мусобиқа 8,32 миллион доллар мебошад.

Яҳё МАҲМАДНАБИЕВ, “ҶТ”