Кормандони Бахши кор бо ҷавонон ва варзиши ноҳияи Айнӣ ҷиҳати амалӣ намудани корҳои фаҳмондадиҳӣ барои пешгирии бемории сироятии коронавирус бо усули хона ба хона як қатор чорабиниҳои мақсаднокро роҳандозӣ намуданд.

Аз ҷумла, 14 июл дар деҳаи Сангистони ноҳияи Айнӣ бо иштироки аъзоёни маҳфили “Пайравони Пешвои миллат” аксияи ташвиқотию тарғиботӣ баргузор гардид.

Зимни чорабинии мазкур ба сокинон вобаста ба пешгирии бемории сироятии коронавирус ба ҳар як сокини ноҳия дастури роҳнамо оид ба пешгирии паҳншавии ин беморӣ дода шуд ва таъкид гардид, ки дар фаъолияти ҳамарӯзаи худ талаботи дастури мазкурро қатъиян риоя намоянд.