Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба фарорасии Рӯзи Модар чорабинии фарҳангии идонаеро зери унвони “Ҳикмати Модар” баргузор менамояд.

Бино ба иттилои Бахши таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, чорабинии мазкур 4 -уми марти соли 2026 дар “Кохи Суруш”-и шаҳри Душанбе баргузор гардида, дар он занону модарон аз ҳисоби сиёсатмадорону фарҳангиён ходимони давлативу ҷамъиятӣ даъват шуда, бо туҳфаҳои хотиравӣ қадрдонӣ мешаванд.

Ҳамчунин, ба гуфтаи манбаъ, ин ташаббус нишонӣ арҷгузорӣ ба фарҳангӣ миллӣ ва гиромидошти нақши занону модарон дар ҷомеа мебошад. Гуфта мешавад, ки аксияи “Ҳикмати Модар” ҳамчун ташаббуси муҳими маънавӣ дар самти таҳкими эҳтиром ба занону модарон ва тарғиби арзишҳои миллӣ идома хоҳад ёфт”.

Сафиаллоҳ ИБОДЗОДА, “ҶТ”