ҶОМЕА
Ҷумъа 22 Октябр 2021 03:03
8168
Зиёда аз якуним сол аст, ки ҷомеаи ҷаҳониро мавҷҳои хатарзои бемории сироятии Covid-19 ба таҳлука андохта, ҷиҳати пешгирии ин бемории доманадор, созмонҳои ҷаҳонии тандурустӣ чораҳои мушаххасу саривақтӣ андешида истодаанд. Бо вуҷуди оне, ки Ситоди ҷумҳуриявӣ оид ба пешгирӣ аз паҳншавии бемории коронавирус - COVID -19, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва дигар сохторҳои марбута чораҳои зарурию саривақтӣ меандешанд, ҳамоно баъзе аз шаҳрвандон аҳамияти начандон ҷиддӣ медиҳанд. Ин беморӣ барои аксари онҳо мисли бемории маъмулӣ гардидаасту дар ҷойҳои ҷамъиятию нақлиётҳои мусофирбар беаҳамиятӣ зоҳир менамоянд.

Ҳамарӯза пур аз мусофирон будани дохили хатсайрҳо ва нақлиёти ҷамъиятии мусофирбар далели гуфтаҳои болост. Дар дохили хатсайрҳо фосилаи иҷтимоӣ ва қоидаҳои беҳдоштӣ тамоман риоя намегардад. Хусусан тайи чанд рӯзи охир, ки гармшавии ҳаво нисбатан зиёдтар ба назар мерасиду ба гирифторони бемориҳои куҳна хатарзо буд, дохили нақлиётҳои ҷамъиятии мусофиркашон пур аз мусофирон базӯр ҳаракат менамуданд. Дар ин гармии тоқатфарсо нишастан ба нақлиёти ҷамъиятӣ вазъи саломатӣ нохуб мешавад. Чунки дар дохили нақлиёт ҳавои лозима набуда, нафаскашӣ маҳдуд мегардад.

Боиси таассуф аст, ки ронандагони хатсайрҳо ва нақлиёти ҷамъиятии мусофиркашон ба хотири ба даст овардани маблағи зиёд саломатии инсонро, ки ганҷинаи бебаҳост сарфи назар мекунанд. Ин амали зишти онҳо боиси паҳншавии зиёди беморӣ мегардад. Чунин менамояд, ки барои аксар ронандагон асолати инсонӣ ва саломатии шаҳрвандон аҳамияте надошта, барои пур намудани ҷайби худ ҷони ҳазорон нафарро зери хатар мегузоранд. Онҳо то ҳадди ниҳоӣ нақлиётро пур аз мусофир карда, баъд ба ҳаракат медароянд. Шаҳрвандон низ дар навбати худ гунаҳкоранд. Бо вуҷуди оне, ки хатсайрҳо пур аз одам аст, маҷбуран худро ҷой менамоянд. Дар ин ҳолат, албатта ронанда низ ба манфиати худ кор мекунад. Дар ҳоле, ки мо ба қадри саломатии худ намерасем, бешак каси дигар дар фикри саломатии мо нест. Чуноне дар урфият мегӯянд, ҳар кас табиби худ аст. Аз ин рӯ, аз ҷомеаи шаҳрвандӣ даъват ба амал меорем, ки баҳри ҳифзи саломатии худ ва наздикон, инчунин ҷиҳати пешгирӣ аз ин вируси домангир фосилаи иҷтимоӣ ва қоидаҳои беҳдоштиро ҳатман риоя намоянд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.