ҶОМЕА
Ҷумъа 22 Октябр 2021 02:53
8246
ё рӯзноманигорон дар замони пандемия чӣ нақш доранд?

Яке аз мушкилоти асосие, ки айни замон тамоми мардуми ҷаҳонро фаро гирифтааст, ин сироятёбӣ ба бемории COVID -19 мебошад. Ба гуфти коршиносони соҳаи тиб ягона роҳе, ки пеши ин бемориро мегирад, ин гирифтани ваксина зидди он аст. Вале имрӯзҳо вобаста ба иммунизатсия дар байни мардум ва расонаҳо маълумотҳои гунонун паҳн шуда истодааст, ки гӯё ваксина гирифтан, инсонро ба бемориҳои гуногун гирифтор мекардааст. Ин овозаҳо сабаби он гаштааст, ки бархе аз мардум намехоҳанд эм карда шаванд.

Чанд рӯз пеш вобаста ба ин масъала дар шаҳри Душанбе семинари омӯзишии серӯза миёни рӯзноманигорон бо иштироки мутахассисони соҳаи тиб ва тренерони миллӣ ва байналмилалӣ дар мавзӯи “Нақши васоити ахбори омма дар давраи пандемияи COVID-19” доир гардид.

Дар кори семинар коршиносони соҳаи тиб низ нақши муҳими ВАО-ро ҳамчун як иниститути ҷомеаи шаҳрвандӣ эътироф ва зарурати ҷалби матбуотро ба раванди огоҳии мардум таъкид карданд.

Дар ин семинари омӯзишӣ бехатарии ваксинаҳо аз ҷониби мутахассисон баррасӣ гардида, гуфта шуд, ки онҳо аз озмоиш ва равандҳои назоратӣ мегузаранд. Чуноне ки Маърифат Абдуллоева коршиноси масоили тиб гуфт: “Ваксина ягона роҳи бехатар барои муҳофизат шудани саломатии инсонҳо аз сироят ба ҳисоб меравад. Бинобар ин, набояд ба овозаҳо, иттилооти нодуруст ва дурӯғ гӯш дод. Ва дар ин раванд нақши ВАО ҷиҳати фаҳмонидани манфиатҳои ваксина ба мардум бениҳоят бузург аст”.

- Ваксина тавассути мутобиқат ва омода сохтани организми инсон барои муҳофизати табиӣ ва низоми масуният кор мекунад, вирусҳо ва бактерияҳои мавриди ҳадафро ташхис менамояд ва муқобили онҳо мубориза мебарад. Баъди иммунизатсия дар сурати ба организм ворид шудани микробҳои касалиовар, бадани инсон дарҳол барои аз байн бурдани онҳо мубориза мебарад ва барои пешгирии беморӣ кӯмак мерасонад,- илова кард М. Абдуллоева.

Қобили қайд аст, ки танҳо маълумоти саҳеҳу дақиқ оид ба ваксина метавонад, овозаҳои дуруғро аз миёни мардум баранд ва дар ин росто ҷиҳати расонидани маълумоти дуруст ба аҳолӣ рӯзноманигорон нақши муҳим доранд.

Рустам Турсунов, раиси Ассотсиатсияи тандурустии Тоҷикистон нақши муҳими ВАО-ро дар ҳолатҳои буҳронӣ чунин арзёбӣ кард: “COVID-19 ҳаёти мо, дарки ботинии мо ва фазои тафаккури моро тағйир дод ва муҳити иттилоотӣ дар ин раванд нақши муҳим бозид. Тавассути васоити ахбори омма дар манбаъҳои гуногун маълумоти шубҳанок паҳн шуд. Аввалин қурбонии пандемияи COVID-19 , ки дар муҳити васоити ахбори омма рух дод, ҳақиқат буд. Набудан ва таҳрифи ҳақиқат боиси ваҳшати ғайричашмдошт ва вобастагии ахбори бешумор дар ҷаҳон гардид ва ба аҳолӣ зарбаи иҷтимоиву равонӣ зад. ВАО бояд нақши калидии худро дар ҳифзи саломатии ҷомеа гузорад. Онҳо дарки хатарро ташаккул медиҳанд ва ҷомеаро ба ҳифзи саломатӣ сафарбар мекунанд”.

Ораш Алоӣ, мушовири байналмилалии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, вирусшиноси маъруф дар Ню-Йорк зимни семинари мазкур вобаста ба мавзуи мазкур иброз дошт, ки “Журналистикаи босифат дар пешниҳоди маълумоти дақиқ ва объективӣ нисбати хатарҳои пандемияи бесобиқаи COVID-19 ва таъсири он ба ҳаёти мардуми тамоми сайёра муҳим аст. Дар воқеъ, шумо яке аз манбаъҳои асосии иттилоот, чашму гӯши ҷомеа мебошед. Рисолати шумо нигоҳи объективию бедор кардани мардум ва ба ҳар фард расонидани маълумотҳои дақиқ аст”.

Дар ин раванд журналистон низ нақши ВАО-ро бесобиқа арзёбӣ карда, барои паҳн кардани ҳама гуна хабарҳо пеш аз ҳама расонаҳо ва рӯзноманигоронро масъул медонанд. Чуноне ки Хуршеди Атовулло, директори Маркази тадқиқоти журналистии Тоҷикистон гуфт: “ Ҳолатҳое буданд, ки аз ваҳму воҳимаи наш-рия ва расонаҳои интернетӣ шахсони алоҳида аз пандемия не, аз тарс ҷон доданд. Барои ҳамин ҳангоми баррасии мавзӯъ журналистон бояд аз эҳтиёт кор гиранд, то ҳарфи эшон боис ба овозаву дарвоза нашавад.

Воқеан, нақши рӯзноманиго-рон на танҳо дар замони пандемияи Covid-19, балки дар инъикоси тамоми мавзӯъҳо назаррас аст. Ва баробари дигар вақтҳо дар замони пандемия рӯзноманигорон бояд аз ҳарвақта дида бештар фаъолу бо пешниҳоди маълумоти зурурӣ ба аҳолӣ дар ҳифзи солимии онҳо саҳмгузор бошанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.