Соли 2023 аз ҷониби Вазорати энергетика ва захираҳои оби кишвар маҳсулоти нафтӣ ворид ва истихроҷ гардид, ки он талаботи бозори кишварро пурра таъмин намудааст.

Ин нукта аз ҷониби Далер Ҷумъа, вазири энергетика ва захираҳои оби кишвар 1 феврал зимни нишасти хабарӣ бо рӯзноманигорон садо дод.

Зикр гардид, ки соли ҷорӣ дар умум 1 млн. 413 ҳазор тонна маҳсулоти нафтӣ аз хориҷи кишвар ворид карда шуда, 18 ҳазор тонна дар дохил истихроҷ карда шуд.

- Дар маҷмуъ, ба кишвар дар соли 2023 аз ҷониби соҳибкорон ва ҷамъиятҳои ватанӣ маҳсулоти нафтӣ - сӯзишвории автомобилӣ 348 141 ҳазор тонна, сӯзишвории дизелӣ 436,517 ҳазор тонна, сӯзишвории реактивӣ 70 160 ҳазор тонна, мазут 22 777 ҳазор тонна, битум 43 384 ҳазор тонна, равғанҳои молиданӣ 19 786 ҳазор тонна ва дигар маҳсулоти нафтӣ ворид гардидааст, ки дар маҷмуъ, нисбати соли 2022-юм 164 ҳазор тонна ё 13,1% зиёд мебошад,- зикр кард вазир.

Инчунин гуфта шуд, ки соли гузашта воридоти маҳсулоти нафтӣ ва гази моэъ аз Федератсияи Русия ба ҷумҳурӣ 896,1 ҳазор тоннаро ташкил медиҳад.