Дар нашрияи бонуфузи илмии “Walter de Gruyter GmbH”, Berlin/Boston” китоби “Tajik Linguistics” (“Забоншиносии тоҷик”) ба нашр расидааст. Дар ин бора АМИТ “Ховар” хабар медиҳад.

Бино ба иттилои манбаъ китоб аз ҳашт фасл иборат буда, як фасли он ба қалами забоншиноси тоҷик, узви вобастаи Академияи миллии илмҳои Тоҷикистон Ҳасани Султон тааллуқ дорад.

Фаслҳои боқимондаи китобро забоншиносон аз Штатҳои Муттаҳидаи Америка, Канада, Ҷопон, Олмон, Русия ва Эрон таълиф кардаанд.

Инчунин, китоби мазкур дар шабакаи ҷаҳонии интернет дастрас буда, дар мағозаҳои китоби кишварҳои Аврупо ба фурӯш гузошта шудааст.

Таҳмина ЮСУФӢ, “ҶТ”