Соли 2021 ба Донишгоҳи техникии Тоҷикистон ба номи М. Осимӣ 2644 нафар довталаб дохил шуда, ҳамчунин дар ин сол донишгоҳро 2397 нафар хатм намудааст.

Ин нуктаро Қудрат Давлатзода, ректори донишгоҳ 1 феврал зимни нишасти матбуотӣ изҳор дошта, ҳамзамон таъкид намуд, ки соли гузашта донишгоҳро 58 нафар бо дипломи аъло хатм намуданд.

Гуфта шуд, ки айни замон дар донишгоҳ 817 нафар донишҷӯёни хориҷӣ аз 8 кишвари дунё дар зинаҳои гуногуни таълимӣ ба таҳсил фаро гирифта шудаанд.