ҶОМЕА
Панҷшанбе 25 Апрел 2024 12:25
Дар Китобхонаи миллии Тоҷикистон воқеъ дар шаҳри Душанбе 16 сентябр бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳошияи Раёсати Ҷумҳурии Тоҷикистон дар Созмони Ҳамкории Шанхай, Шӯрои ҷавонони СҲШ ва 20 – солагии СҲШ ҷаласаи навбатии Шӯрои ҷавонони Созмони ҳамкории Шанхай баргузор гардид.
Дар ҷаласаи мазкур аъзои қисмҳои миллии Шӯрои ҷавонони СҲШ иштирок ва суханронӣ намуданд.
Дар оғози ҷаласа Абдулло Раҳмонзода - раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, раиси Шӯрои ҷавонони СҲШ ва раиси Иттифоқи ҷавонони Тоҷикистон суханронӣ намуда, таъкид кард: “Боиси хушнудист, ки мо дар ҷаласаи Шӯрои ҷавонони СҲШ қарор дорем. Ман аз самими қалб ҳамаи иштирокчиёни ҷаласаро хушомадед гуфта, ҳамагонро бо 20 –умин солгарди СҲШ табрик мегӯям. Чун ба ҳамагон маълум аст, имрӯз дар ҷаҳон 1,8 миллиард ҷавонон умр ба сар мебаранд, ки ин бузургтарин шумораи инсоният аст. Тақрибан 90 фоизи ҳамаи ҷавонон дар кишварҳои рӯ ба тараққӣ зиндагӣ мекунанд, ки онҳо қисми зиёди аҳолиро ташкил медиҳанд”.
Номбурда дар идома иброз дошт, ки “сарони давлатҳои СҲШ ҳамеша бар он мекӯшанд, ки ҷавонони худро аз ҳар гуна созмонҳои гуногуни террористӣ ва ҳаракатҳои ифротгаро дур созанд. Бо назардошти таҳдидҳои афзояндаи дар боло зикршуда, тақвияти ҳамкориҳои бисёрҷониба бо мақсади пешгирии ҷалби ҷавонон ба гурӯҳҳои харобиовар зарур аст. Мақсади асосии мо раҳбарон низ ҳамин аст, то ҷавононро ба роҳи рост равона намоему онҳо барои ободу зебо гардонидани кишвари худ саҳмгузор бошанд”.
Дар рафти ҷаласа ҳамчунин мушовири барномаҳои байналмилалии Вазорати ҷавонон ва варзиши Ҳукумати Ҳиндустон - доктор Камал Кумар Кар, мудири бахши миллии Шӯрои ҷавонони СҲШ аз Қазоқистон Нуржан Жетписбаев, котиби миллии Шӯрои ҷавонони СҲШ аз Ҷумҳурии Қирғизистон - Валерия Суталинова, намояндаи бахши Шӯрои миллии ҷавонони СҲШ аз Ҷумҳурии Исломии Покистон, Муҳаммад Солеҳ, роҳбари миллии бахши Шӯрои ҷавонони СҲШ, вакили Думаи давлатии Анҷумани Федералии Федератсияи Русия - Кравченко Денис Борисович суханронӣ намуданд.
Н. МУРОДБЕКОВА, “ҶТ”
Дар ҷаласаи мазкур аъзои қисмҳои миллии Шӯрои ҷавонони СҲШ иштирок ва суханронӣ намуданд.
Дар оғози ҷаласа Абдулло Раҳмонзода - раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, раиси Шӯрои ҷавонони СҲШ ва раиси Иттифоқи ҷавонони Тоҷикистон суханронӣ намуда, таъкид кард: “Боиси хушнудист, ки мо дар ҷаласаи Шӯрои ҷавонони СҲШ қарор дорем. Ман аз самими қалб ҳамаи иштирокчиёни ҷаласаро хушомадед гуфта, ҳамагонро бо 20 –умин солгарди СҲШ табрик мегӯям. Чун ба ҳамагон маълум аст, имрӯз дар ҷаҳон 1,8 миллиард ҷавонон умр ба сар мебаранд, ки ин бузургтарин шумораи инсоният аст. Тақрибан 90 фоизи ҳамаи ҷавонон дар кишварҳои рӯ ба тараққӣ зиндагӣ мекунанд, ки онҳо қисми зиёди аҳолиро ташкил медиҳанд”.
Номбурда дар идома иброз дошт, ки “сарони давлатҳои СҲШ ҳамеша бар он мекӯшанд, ки ҷавонони худро аз ҳар гуна созмонҳои гуногуни террористӣ ва ҳаракатҳои ифротгаро дур созанд. Бо назардошти таҳдидҳои афзояндаи дар боло зикршуда, тақвияти ҳамкориҳои бисёрҷониба бо мақсади пешгирии ҷалби ҷавонон ба гурӯҳҳои харобиовар зарур аст. Мақсади асосии мо раҳбарон низ ҳамин аст, то ҷавононро ба роҳи рост равона намоему онҳо барои ободу зебо гардонидани кишвари худ саҳмгузор бошанд”.
Дар рафти ҷаласа ҳамчунин мушовири барномаҳои байналмилалии Вазорати ҷавонон ва варзиши Ҳукумати Ҳиндустон - доктор Камал Кумар Кар, мудири бахши миллии Шӯрои ҷавонони СҲШ аз Қазоқистон Нуржан Жетписбаев, котиби миллии Шӯрои ҷавонони СҲШ аз Ҷумҳурии Қирғизистон - Валерия Суталинова, намояндаи бахши Шӯрои миллии ҷавонони СҲШ аз Ҷумҳурии Исломии Покистон, Муҳаммад Солеҳ, роҳбари миллии бахши Шӯрои ҷавонони СҲШ, вакили Думаи давлатии Анҷумани Федералии Федератсияи Русия - Кравченко Денис Борисович суханронӣ намуданд.
Н. МУРОДБЕКОВА, “ҶТ”
Хабарҳои дигар
Рӯзнома
Эзоҳи худро нависед