Аз 24 то 26 сентябр дар шаҳри Душанбе даври ҷумҳуриявии озмуни “Мураббии сол-2024” доир мегардад, хабар медиҳад, Вазорати маориф ва илми Ҷумҳурии Тоҷикистон.

Иштирокчиёни озмуни мазкур аз шаҳру ноҳияҳои гуногуни кишвар буда, аз рӯйи шаш шарт ҳунару маҳорати худро месанҷанд.

Маврид ба ёдоварист, ки озмуни мазкур ҳамасола бо мақсади нишон додани афзалияти таҳсилоти томактабӣ дар пешрафти ҷомеа, баланд бардоштани мақоми таҳсили томактабӣ дар шароити имрӯза ва дарёфти мураббиёни боистеъдод, навовар ва эҷодкор, қадрдонии меҳнат ва баланд бардоштани мақому манзалати онҳо дар ҷомеа, рушди фаъолияти касбии кормандони соҳаи маориф, тарғиб намудани таҷрибаи пешқадами мураббиёни беҳтарини Тоҷикистон гузаронида мешавад.

Барои дар сатҳи баланд ва шаффоф доир намудани озмун тамоми тадбирҳои зарурӣ аз тарафи Вазорати маориф ва илми Тоҷикистон андешида мешаванд.

Шаҳодат ХОЛОВА, "ҶТ"