Рӯзҳои 23-24 октябри соли равон дар шаҳри Душанбе Форуми V олимони аъзои давлатҳои Иттиҳоди Давлатҳои Мустақил доир мегардад. Дар ин маврид Академияи миллии илмҳои Тоҷикистон иттилоъ медиҳад.

Ба иттилои манбаъ бо мақсади дар сатҳи баланд гузаронидани форуми мазкур таҳти раёсати президенти Академияи миллии илмҳои Тоҷикистон машварати корӣ баргузор гашт.

Дар ҳошияи форуми V олимони аъзои давлатҳои ИДМ ҳамзамон баргузор намудани ҷаласаи XII Шурои ҳамкорӣ дар соҳаи илмҳои бунёдии давлатҳои аъзои ИДМ ҳамчунин ҷаласаи якуми Шурои олимони ҷавони назди Шурои ҳамкорӣ дар соҳаи илмҳои бунёдии кишварҳои ИДМ ба нақша гирифта шудааст.

Ташкилкунандагони форуми мазкур Академияи миллии илмҳои Тоҷикистон, Кумитаи иҷроияи давлатҳои аъзои Иттиҳоди Давлатҳои Мустақил, Фонди байнидавлатии ҳамкории бунёдии Иттиҳоди Давлатҳои Мустақил мебошанд.

Дар назар аст, ки дар Форум олимону муҳаққиқони варзида ва роҳбарони муассисаҳои илмии мамлакатҳои ИДМ иштирок кунанд.

Шаҳодат ХОЛОВА, “ҶТ”