Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи ҳамкориҳои муштарак бо сохторҳои қудратии кишвар, бахусус Вазорати мудофиаи Ҷумҳурии Тоҷикистон дар толори бинои Ташкилоти ҷамъиятии мададгори мудофиа мусобиқаи варзишии тирпарронӣ баргузор гардид.

Дар ин бора аз дафтари матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Гуфта шуд, ки дар мусобиқаи мазкур кормандони ташкилот, донишҷӯёни Донишгоҳи миллии Тоҷикистон, Донишгоҳи байналмилалии забонҳои хориҷии Тоҷикистон ба номи С. Улуғзода ва Донишкадаи тарбияи ҷисмонии Тоҷикистон ба номи С. Раҳимов иштрок ва маҳорати худро нишон доданд.

Ҳамчунин, таъкид карда шуд, ки ҳадаф аз баргузории чунин мусобиқаҳо омодагии ҷавонон ба сафи Артиши миллӣ аст.

Дар фарҷоми чорабинӣ ғолибони мусобиқа бо диплому Сипосномаи Кумита ва туҳфаҳои хотиравӣ сарфароз гардиданд.

Наҷиба МУРОДБЕКОВА, “ҶТ”