ҶОМЕА
Чоршанбе 30 Ноябр 2022 08:40
9007
Дар толори маҷлисгоҳи Кумитаи кор бо ҷавонон ва варзиши назди Ҳукумати Ҷумҳурии Тоҷикистон 5-уми октябр бахшида ба Рӯзи забони давлатӣ конференсияи илмӣ-назариявӣ таҳти унвони “Забони миллат-ҳастии миллат” баргузор гардид.

Дар конференсия, ки ба 30-солагии Иҷлосияи XVI-уми Шӯрои Олии Ҷумҳурии Тоҷикистон ва Рӯзи забони давлатӣ бахшида шуда буд, донишҷӯён, меҳмонони олиқадр, олимон ва муҳаққиқони ҷавон ширкат намуданд.

Сараввал Сураҷ Чоршанбезода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон меҳмононро хушомадед гуфта, онҳоро аз номи роҳбарияти Кумита ба Рӯзи забони давлатӣ муборакбод намуд.

- Имрӯз давлатдории миллӣ дар асоси забон ва фарҳанги миллӣ, иқтисодиёти миллӣ ва сиёсати миллату меҳан, ҳувияти ташаккулёфтаи миллӣ амалӣ мегардад. Дар ин равиш забони миллӣ шоҳсутуни давлатдории миллӣ буда, дар пойдорӣ ва таҳкими давлати миллӣ мақом ва нақши худро дорад, - гуфт Сураҷ Чоршанбезода.

Пасон вакили Маҷлиси намояндагони Маҷлиси Олии Ҷумҳурии Тоҷикистон Гавҳар Шарофзода баромад намуда, зимни суханронии хеш таъкид кард:
- Истиқлолият, ваҳдат, тинҷию оромӣ ва талошҳои Пешвои муаззами миллат тавонист, ки як забони қариб ба нестӣ рафтаистодаро аз сари нав ҷон бубахшанд ва тавонистанд, забони модарии мову шуморо аз нестӣ наҷот диҳанд. Чаро? Зеро мову шумо аз хотираҳои таърихӣ хуб медонем, ки ин миллат ва ин сарзамин тохтутозҳои зиёде аз душманони моро паси сар кардааст. Чуноне ки ба ҳамагон маълум аст, мо дар погаҳи дари ҷаҳонишавӣ истодаем. Дар ин гирдобҳои ҷаҳонишавӣ мову шумо бояд ба арзишҳои миллии худамон, ба забони модарии худ ба давлату миллат, ба сиёсати хирадмандонаи Ҳукумати Ҷумҳурии Тоҷикистон ва ба сарзамини биҳиштосои худамон содиқу вафодор бошем.

Конференсияи илмӣ-назариявиро Жило Гулназарзода, ректори Донишкадаи давлатии забонҳои Тоҷикистон бо номи С.Улуғзода, Абдулло Раҳнамо, сардори шуъбаи робитаҳои хориҷии Иттифоқи нависандагони Тоҷикистон ва Илҳомҷон Ҳамидиён, мудири маркази матбуот ва таҳлилии Дастгоҳи марказии ҲХДТ бо маърӯзаҳои худ тақвият бахшиданд.

Дар фарҷом аз ҷониби Жило Гулназарзода, китоби “Забони миллат-ҳастии миллат”, ки бо се забон - русӣ, англисӣ ва чинӣ тарҷума шудааст, ба намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим карда шуд.

Зуҳро РИЗОЗОДА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Ноябр 2022 c.