Дар вилояти Хатлон гирифторӣ ба бемории вируси норасоии масунияти одам (ВНМО) коҳиш ёфтааст. Дар ин бора Илёсиддин Саидов, директори Маркази пешгирии бемории ВНМО-и вилоят иттилоъ додааст.

Ба таъкиди Илёсиддин Саидов, дар нуҳ моҳи охири соли равон дар вилоят 281 гирифторони ВНМО ба қайд гирифта шуданд, ки ин рақам нисбат ба ҳамин давраи соли гузашта беш аз 10 нафар камтар мебошад.

Бино ба иттилои манбаъ, дар ҳудуди вилоят ҳамагӣ 3223 нафар бемор ба қайд гирифта шудаанд, ки дар миёни онҳо 316 нафар кӯдакону наврасони то синни 18-сола низ ҳастанд. Ҳамчунин гуфта мешавад аксари беморон аз ҳисоби муҳоҷирон буда, онҳо огоҳу ногоҳ ҳамсарони худро ба ин беморӣ гирифтор кардаанд.