Дар доираи Фестивали дӯстии ҷавонони шаҳри Душанбе, дар толори Мақомоти иҷроияи маҳалии ҳокимияти давлатии шаҳри Хорӯғи ВМКБ Форуми дӯстии ҷавонони шаҳрҳои Душанбе ва Хоруғ таҳти унвони "Дӯстиро ҷӯстуҷӯ дорем мо..." ташкил ва баргузор карда шуд.

Дар он раиси шаҳри Хоруғ, сардори раёсати тарбияи ватандӯстии дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, сардорони раёсатҳои кор бо ҷавонон ва варзиши шаҳри Душанбе ва ВМКБ, иштирокчиёни дӯстии ҷавонони шаҳри Душанбе ва кормандону ҷавонони фаъоли шаҳри Хорӯғ иштирок ва суханронӣ намуданд.

Нахуст раиси шаҳри Хоруғ Ризо Назарзода, ҳамаи иштирокчиёни форумро ба Бадахшон хушомадед гуфта, иброз намуд, ки “боиси ифтихор аст, ки имрӯз ҷавонони мо дар ҳама самтҳо фаъолона иштирок карда, барои баланд бардоштани Парчами кишвар дар арсаи ҷаҳонӣ нақши азиме доранд. Пас бояд ҳар яки мову Шумо хуб дарк кунем, ки ояндаи Тоҷикистони соҳибистиқлол дурахшон бошаду барои боз ҳам ба ин мартабаҳо расидан, ҳамеша дар ободкориҳои созандагиҳо саҳмгузор бошем”.

Сипас, иштирокчиёни форум аз дастовардҳои даврони соҳибистиқлоӣ, ки варзишгарони ВМКБ ба даст овардаанд, дидан намуданд.

Наҷиба МУРОДБЕКОВА, “ҶТ”