9-уми сентябр, дар шаҳри Леваканти вилояти Хатлон бахшида ба 33-солагии Истиқлоли давлатӣ мусобиқаи “Дави миллӣ” баргузор гардид.

Бино ба иттилои Раёсати кор бо ҷавонон ва варзиши вилояти Хатлон, дар чорабинии мазкур, Муминзода Мастура - иҷрокунандаи вазифаи раиси шаҳри Левакант, мудирону кормандони шуъбаю бахшҳои мақомоти иҷроия ва роҳбарону кормандони дигар ташкилоту муассисаҳои шаҳр иштирок намуданд.

Муминзода Мастура иштирокдорони ин чорабинии варзиширо ба 33-солагии Истиқлоли давлатӣ табрик намуда, аз тамоми иштирокдорон барои ширкати фаъол изҳори сипос намуд.

Гуфта мешавад, ки масъулияти доварӣ ва баргузории маъракаи “Дави миллӣ” бар зиммаи бахши кор бо ҷавонон ва варзиши шаҳр ва Муассисаи давлатии мактаби варзишӣ вогузор шуда буд.