Барои равнақ бахшидан ба варзиши миллӣ - гӯштингирӣ Ҷумҳурии Тоҷикистон тасмим дорад, ки дар Ҷопон Федератсияи гӯштингирӣ таъсис диҳад. Ин пешниҳод зимни вохӯрии раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ва сафири фавқулода ва мухтори Ҷопон дар Ҷумҳурии Тоҷикистон Тошиҳиро Аики манзур гардид.

Инчунин, роҷеъ ба баргузории Форуми ҷавонони Тоҷикистон ва Ҷопон дар Душанбе ва Токио баъзе пешниҳодҳо баррасӣ шуданд.

Ҳамзамон, ҷиҳати рушду таҳкими робитаҳои дӯстии ҷавонони ҳарду давлат ва ҳамкории гуногунҷанбаи судманд дар самти кор бо ҷавонон ва варзиш байни ҷонибҳо табодули афкор сурат гирифт.

Шаҳодат ХОЛОВА, “ҶТ”