Прокуратураи генералии Ҷумҳурии Тоҷикистон 2468 парвандаи ҷиноятиро таъмин карда, аз онҳо 2320 ададро барои баррасӣ ба суд ирсол намудааст.

Дар ин бора имрӯз Раҳмон Юсуф Аҳмадзод, Прокурори генералии Ҷумҳурии Тоҷикистон зимни нишасти хабарӣ иттилоъ дод.

Ҳамчунин гуфта шуд, ки дар натиҷаи баррасии ин парвандаҳо 61,7 млн. сомонӣ зарар, аз ҷумла 7,4 млн. сомонӣ ба фоидаи давлат рӯёнида шудааст.

Дар идома зикр гардид, ки дар пайи гузаронидани санҷишҳо вобаста ба назорати иҷрои қонунҳо аз ҷониби мақомоти прокуратура ҳуқуқу манфиатҳои 141951 нафар шаҳрвандон барқарор шуда, баҳри бартараф кардани қонунвайронкуниҳо 62 176 санади эътиноӣ қабул гардидааст.