Дар ҳудуди Ҷумҳурии Тоҷикистон 7075 муассисаҳои фарҳангӣ, ба истиснои театрҳои касбӣ, муассисаҳои консертӣ, мамнуъгоҳҳо, мактабҳои мусиқӣ, рассомӣ, санъат ва муассисаҳои табъу нашр ба қайд гирифта шудааст.

Зимни нишасти матбуотӣ вазири фарҳанги Ҷумҳурии Тоҷикистон Давлатзода Зулфия Давлат хабар дод, ки аз ин шумора 6077 китобхона, аз ҷумла 1 Китобхонаи миллӣ, 1 Китобхонаи давлатии марказӣ, 1206 китобхона-филиал, 65 китобхонаи марказӣ, 79 китобхонаи бачагона, 136 китобхонаи вазорату идораҳо, 4582 китобхонаҳои соҳаҳои маорифи вилоятҳо ва шаҳру ноҳияҳо, 98 осорхона, 394 клуб, 45 клуби сайёр, 18 маркази фарҳангӣ-фароғатӣ, 7 филармонияи халқӣ, 88 боғи фарҳангӣ-фароғатӣ, 22 театери халқӣ, 3 маҷмаи фарҳангӣ, 1 арт- галерея ва 1 бойгонии фарҳангӣ мебошад.