Ба ҳолати 1 июли соли 2023 теъдоди умумии нафақагирон дар ҷумҳурӣ 768976 нафарро ташкил медиҳад, ки аз ин шумора гирандагони нафақаҳои меҳнатӣ 310279 нафар, нафақаҳои суғуртавӣ 268627 нафар ва нафақаҳои иҷтимоӣ 190070 нафарро ташкил медиҳад. Талаботи моҳонаи нафақа 261,2 млн. сомониро ташкил намуд, ки нисбати ҳамин давраи соли гузашта баробари 7,9 млн сомонӣ ё 3,1 фоиз афзоиш ёфтааст.

Дар ин бора Давлатзода Дилмурод, директори Агентии суғуртавӣ ва нафақаи назди Ҳукумати Ҷумҳурии Тоҷикистон 4-уми август дар нишасти матбуотии худ иттилоъ дод.

Бино ба иттилои номбурда дар ҷумҳурӣ аз шумораи умумии нафақагирон 159 443 нафарро нафақагирони маъюб ё ин ки 20,7 фоизи нафақагиронро ташкил медиҳанд, ки нисбат ба ҳамин давраи соли гузашта теъдоди онҳо 236 нафар ё ин ки 0,1 фоиз кам гардидааст. Барои пардохти нафақа ба нафақагирони маъюбиятдошта дар як моҳ 51,7 млн. сомонӣ маблағ пардохт карда мешавад, ки ҳисоби миёнаи нафақаи онҳо ба 324,30 сомонӣ баробар аст.

Аз шумораи умумии маъюбон 17 314 нафарашон маъюбони гурӯҳи якум, 77 360 нафарашон маъюбони гурӯҳи дуюм ва 32 470 нафарашонро маъюбони гурӯҳи сеюм ташкил медиҳанд. Шумораи маъюбони аз овони кӯдакӣ то 18-сола дар ҷумҳурӣ 32 299 нафарро ташкил дода, ҳисоби миёнаи нафақаи онҳо ба 309,05 сомонӣ баробар аст.

Я. МАҲМАДНАБИЕВ, “ҶТ”