ҶОМЕА
Панҷшанбе 30 Май 2024 01:34
7990
Дар Тоҷикистон аз оғози эмгузаронии ваксинаи зидди COVID-19 “AstraZeneca”, ки моҳи гузашта аз Ҳиндустон ворид шуда буд, то имрӯз 53 ҳазору 304 нафар кормандони муассисаҳои давлатӣ ваксинаи мазкурро гирифтаанд.

Бино ба иттилои дафтари матбуотии Вазорати тандурустӣ ва ҳифзи иҷтимоии аҳолии кишвар, пас аз санҷишҳо ваксинагузаронӣ аз охири моҳи марти соли ҷорӣ шурӯъ гардида, то имрӯз кормандони соҳаи тандурустӣ, маориф, Кумитаи телевизион ва радио, ва кормандони соҳаи варзиш дар шаҳри Душанбе ба ваксинаи “AstraZeneca” фаро гирифта шудаанд.

Гуфта мешавад, ки санаи 28 апрел машваратҳо бо кишвари Чин оғоз гардидааст ва қарор аст, рӯзҳои наздик ваксинаи чинӣ низ ба Тоҷикистон ворид гардад ва пас аз он боз қисми зиёди аҳолии мамлакат ба ваксина фаро гирифта мешаванд.

Инчунин баҳри дастрасӣ намудани ваксинаи истеҳсоли Русия Вазорати тандурустӣ ва ҳифзи иҷтимоии аҳолии кишвар тасмим дорад, дар ояндаи наздик бо Русия низ гуфтушунид намояд.

Исфандиёр АМАКҶОНОВ “ҶТ”

Эзоҳи худро нависед



Рамзҳо дар расм