Айни замон дар ҷумҳурӣ ҳамагӣ 3236 муассисаи фармасевтӣ фаъолият менамояд, ки нисбат ба ҳамин давраи соли гузашта 142 адад зиёд мебошад.

Ин нукта зимни нишасти матбуотии Вазорати тандурустӣ ва ҳифзи иҷтимоии аҳолии мамлакат гуфта шуд.

Ҷамолиддин Абдуллозода, вазири ин ниҳод иброз дошт, ки айни ҳол 61 корхонаи ватанӣ истеҳсоли 571 намуд доруворӣ ва молҳои тиббӣ, ки дар умум 325 номгӯйро ташкил медиҳад, ба роҳ мондаанд, ки нисбат ба соли 2022-юм 6 корхона, 31 намуд ва 18 номгӯй дору ва молҳои тиббӣ зиёд мебошад.

Гуфта шуд, ки ҳаҷми истеъмоли маводи доруворӣ ва молҳои тиббии дар ҷумҳурӣ истеҳсолшаванда дар соли 2023 зиёда аз 95 миллион ададро ташкил додааст, ки нисбат ба ҳамин давраи соли пешин 5 миллион адад зиёд мебошад.