ҶОМЕА
Якшанбе 26 Май 2024 07:53
7761
Таҳлили фаъолияти мақомоти ҳифзи ҳуқуқи ҷумҳурӣ дар самти мубориза бо муомилоти ғайриқонунии маводи нашъаовар нишон медиҳад, ки дар соли 2020 дар ҷумҳурӣ 700 ҳолати ҷиноятҳои марбут ба маводи нашъаовар ошкор ва ба қайд гирифта шудааст.

Ин нуқтаро Ҳабибулло Воҳидзода директори Агентии назорати маводи нашъаовари назди Президенти Ҷумҳурии Тоҷикистон зимни нишасти матбуотии ин ниҳод баён намуд. Ӯ дар идома афзуд, ки ҳолати ҷинояткорӣ нисбат ба давраи соли 2019 118 ҷиноят ё 20,3 фоиз зиёд мебошад. Соли 2020 дар натиҷаи ошкорсозии ҷиноятҳо аз муомилоти ғайриқонунӣ 2 т 425 кг маводи нашъаовар мусодира карда шудааст, ки он нисбат ба соли 2019, 788 кг ё 48 фоиз зиёд мебошад.

Директори Агентӣ Ҳабибулло Воҳидзода оид ба коҳиш ёфтани шумораи шаҳрвандони Тоҷикистон, ки барои содир намудани ҷиноятҳои марбут ба муомилоти ғайриқонунии маводи мухаддир, ки дар кишварҳои хориҷа дастгир шудаанд, чунин оморо нишон дод, ки агар соли 2010 дар хориҷи кишвар 642 нафар шаҳрвандони Ҷумҳурии Тоҷикистон дар умум бо 1 т 431 кг маводи нашъаовар мусодира шуда бошанд, пас дар 9 моҳи соли 2020, 205 нафар шаҳрвандони мо ба ин ҷурм дастгир шудаанд, ки аз онҳо 109 кг маводи нашъаовар мусодира гардидааст.

Ҳабибулло Воҳидзода инчунин доир ба шумораии умумии нашъамандони дар қайди расмибуда, ки соли 2020, 5099 нафарро ташкил медиҳанд, дар муқоиса ба соли 2019, 276 нафар ё 5,1 фоиз коҳиш ёфтани онҳоро хабар дод.

Дар умум аз шумораи умумии нашъамандони мамлакат хабар дод, ки ба ҳар 100 ҳазор аҳолӣ 55 нашъаманд рост меояд.

Қиёмиддин МАҲМАДҶОНОВ
“ҶТ”

Эзоҳи худро нависед



Рамзҳо дар расм