Дар панҷ моҳи аввали соли 2024 аз ҷониби Ваколатдор оид ба ҳуқуқи инсон дар Ҷумҳарии Тоҷикистон 5 ҳолати зӯроварӣ ва ҳаракатҳои хусусияти шаҳвонидошта ба қайд гирифта шудааст.

Дар ин бора имрӯз дар нишасти матбуотии Ваколатдор оид ба ҳуқуқи инсон гуфта шуд.

Суҳайлӣ Қодирӣ сардори шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Тоҷикистон зикр кард, ки аз ин панҷ ҳолат ду ҳолати он ба кӯдакон рабт дорад.

- Дар нимсолаи якуми соли ҷорӣ панҷ муроҷиат вобаста ба дахлнопазирии шахсӣ ба қайд гирифта шудааст, аз ҷумла дар ду ҳолати он вобаста ба истифодаи ҳаракаҳои хусусияти шаҳвонидошта нисбати кӯдак аст, ки он ба Прокуратури генралии Ҷумҳурии Тоҷикистон фиристода шуданд ва дар ҳоли баррасӣ қарор доранд,-зикр намуд номбурда.

Инчунин Қодирӣ гуфт, ки дар маҷмуъ, таҷриба ҳаминро нишон медиҳад, ки пас аз ворид намудани тағйиру иловаҳо ҳолатҳои зӯроварӣ нисбати кӯдакон бетағйир боқӣ мондааст, вале ҳолатҳои аз ҷониби кӯдакон сар задани ҷиноят дар кишвар кам шудааст.

Ёдовар мешавем, ки бо назардошти ба миён омадани ҳолатҳои зӯроварӣ нисбати кӯдакон дар соли 2022 аз ҷониби вакилони Парлумон ба Кодекси ҷинояти Ҷумҳурии Тоҷикистон як қатор тағйиру иловаҳо ворид карда шуд, ки ҷазо нисбати озордиҳандагони кӯдакон саххтар карда шуд.

Фарзонаи УМАРАЛӢ, “ҶТ”