Дар шаш моҳи соли равон нӯҳ ҷиноят аз тарафи 10 нафар ноболиғ дар Вилояти Мухтори Кӯҳистони Бадахшон содир шуда, ҷаримабандӣ бо моддаи 90 Кодекси ҳуқуқвайронкунии маъмурии Ҷумҳурии Тоҷикистон нисбати 312 нафар волидон ба маблағи 20 ҳазору 884 сомонӣ таъйин гардидааст, - иброз дошт Ҳавобегим Сафарқулова, мудири Бахши ҳуқуқи кӯдаки назди мақомоти иҷроияи маҳаллии ҳокимияти давлатии вилоят.

- Инчунин, 382 нафар волидон ба дигар намуди ҳуқуқвайронкунӣ ба маблағи 19 ҳазор 836 сомонӣ ҷарима гардиданд, - қайд кард Ӯ.

Ҳоло дар вилоят 66 ҳазору 190 нафар кӯдак зиндагӣ карда, аз онҳо 38 ҳазору 40 нафар хонанда, 955 нафар кӯдакони дорои маъюбият, 832 нафар дар қайди ҳифзи иҷтимоӣ, 75 нафар ятимони кулл, 1 963 нафар ятимони яктарафа, 27 ҳазору 465 нафар синни томакатабӣ мебошанд. Ҳамзамон, 2 ҳазору 79 нафар кӯдак дар 26 адад кӯдакистонҳо, 4 792 нафар дар 267 марказҳои рушди барвақтии кӯдакон ва 700 нафар кӯдакон дар панҷ маркази хусусии вилоят ба омӯзиши забонҳои хориҷӣ фаро гирифта шуданд.