ҶОМЕА
Душанбе 30 Январ 2023 02:18
9131
Имрӯз дар шаҳри Хоруғ бахшида ба Рӯзи Парчами давлатии Ҷумҳурии Тоҷикистон роҳпаймоии оммавӣ ва чорабинии идона баргузор шуд.

Нахуст иштирокдорони тантанаҳои идона, роҳбарону намояндагони мақомоти иҷроияи ҳокимияти давлатии ВМКБ, собиқадорон, кормандони идораву муассисаҳо, ҷавонону бонувон, сохторҳои қудративу интизомӣ, устодону донишҷӯён, омӯзгорону хонандагони муассисаҳои таҳсилоти ҳамагонӣ бо парчаму дигар муқаддасоти миллӣ, аксҳои қаҳрамонони Тоҷикистон аз варзишгоҳи марказӣ то майдони Исмоили Сомонӣ роҳ паймуданд.

Чорабинии тантанавӣ дар майдони болозикр бо суханронии раиси вилоят Алишер Мирзонабот оғоз гашта, номбурда сокинони вилоят ва кулли мардуми шарифи Тоҷикистонро ба муносибати ин санаи фархунда табрику муборакбод намуд. Ӯ аз ҷумла иброз дошт, ки Парчами миллӣ ифодагари иқболу истиқлол, иттиҳоду сарҷамӣ, нангу номус, ватандӯстию ватанпарастӣ, ҳувияти миллии мардуми куҳанбунёду фарҳангии мо буда, баландтарин мақсаду мароми тоҷиконро дар ҷилои рангҳои худ инъикос намудааст.

“Халқи тоҷик дар тӯли таърихи давлатдорию давлатсозии худаш дорои суннату анъанаҳои қадима мебошад, ки яке аз онҳо эҳтироми Парчам буда, ин рисолат то замони мо омада расидааст. Яъне, таърихи парчамдориву парчамбардорӣ дар мардуми мо ба аҳди бостон рафта мерасад ва барафрохтани он нишони озодиву истиқлолият ва осоиштагии миллат мебошад”, - таъкид намуд, раиси ВМКБ.

Таъкид шуд, моро мебояд, ки имрӯз ифтихор аз миллату давлати аҷдодӣ, рамзҳои миллии Ватан дошта бошем ва ин муқаддасотро мисли гавҳараки чашм нигаҳ дорем.

Сипас, ҷавонону наврасони вилоят ашъори баландмазмунро дар васфи Парчами миллӣ қироат карда, ҳаваскорону аҳли фарҳанги вилоят барномаи ҷолиби консертӣ манзури ҳозирин намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Январ 2023 c.