Дар нимсолаи аввали соли 2023 даромади умумии Иттифоқи “Тоҷикматлубот” 48 млн. сомониро ташкил дод, ки нисбати ҳамин давраи соли гузашта 613 ҳазор сомонӣ зиёд мебошад.

Дар ин бора 3 август Хуршед Раҳмонализода, муовини раиси Иттифоқи “Тоҷикматлубот” зимни нишасти хабарӣ иттилоъ дод.

Ҳамзамон, гуфта шуд, ки дар давраи ҳисоботӣ ба буҷети мамлакат аз ҳамаи намуди манбаъҳо ба маблағи 16,0 млн. сомонӣ андоз пардохт карда шуд, ки нисбат ба ҳамин давраи соли сипаришуда 11,0 ҳазор сомонӣ зиёд аст.

Аз ҳама намудҳои фаъолият дар нимсолаи аввали соли ҷорӣ 7,2 млн. сомонӣ фоидаи тавозунӣ ба даст оварда шудааст.

- Барои корҳои сохтмонӣ, ободонӣ, азнавсозӣ, таъмири бинову иншоотҳо ва хариди воситаҳои асосӣ 4,7 млн. сомонӣ хароҷот карда шуд, - зикр намуд Раҳмонализода.