12 феврал тибқи нақша - чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз ҷониби Ташкилоти ҷамъиятии “Пайравони Пешвои миллат” дар толори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дарси навбатии курси омӯзишии “Ҷавонон - пайрави Пешвои миллат” доир гардид.

Тибқи иттилоъ, дар кори он Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Раҳимзода Султон, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон иштирок намуда, бо шунавандагони курс суҳбати озоду самимӣ доир намуданд.

Зимни суҳбат аз дастовардҳои даврони соҳибистиқлолӣ ва нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар рушди давлатдории тоҷикон табодули афкор намуданд.

Ҳамзамон, Султон Раҳимзода, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон иштирокдорони маҳфили хониши сиёсиро бо фарорасии Рӯзи Артиши миллӣ шодбош гуфта, дар идома ба саволҳои иштирокчиён ҷавобҳои мушаххас дод.

“ҶТ”