Шоми 15-уми сентябр тими “Шарҷа”-и Аморати Муттаҳидаи Араб ҷиҳати анҷом додани бозии даври аввали марҳилаи гурӯҳии Лигаи чемпионҳои Осиё-2024/25 ба Душанбе омад. Дар ин бора бошгоҳи “Истиқлол” хабар медиҳад.

Дар фурудгоҳи пойтахт, меҳмононро намояндагони бошгоҳи футболи “Истиқлол”-и Душанбе ва Федератсияи футболи кишвар пешвоз гирифтанд.

Вохӯрии даври аввали марҳилаи гурӯҳии Лигаи қаҳрамонҳои Осиё-2024/25 миёни дастаҳои “Истиклол”-и Тоҷикистон ва “Шарҷа”-и Аморати Муттаҳидаи Араб фардо - 17 сентябр дар Варзишгоҳи марказии ҷумҳуриявии шаҳри Душанбе баргузор мегардад. Оғози бозӣ соати 21:00.

Яҳё МАҲМАДНАБИЕВ, “ҶТ”