Дар доираи нақшаҳои тасдиқгардида соли 2022 дар кишвар зиёда аз 3615 иншооти гуногун сохта ба истифода дода шудааст.

Дар ин хусус 31 январ Шарифҷон Ҷумъазода, раиси Кумитаи рушди маҳалли назди Президенти Ҷумҳурии Тоҷикистон зимни нишасти хабарӣ иттилоъ дод.

Ба таъкиди ӯ Кумитаи рушди маҳалли назди Президенти Ҷумҳурии Тоҷикистон ҷиҳати таъмини иҷрои банди 85-и нақшаи чорабиниҳои Амри Президенти Ҷумҳурии Тоҷикистон аз 17 январи соли 2020, №АП-1325 ҷиҳати вусъат бахшидан барои бунёди манзилҳои истиқоматии зебою замонавӣ, таҷдиду азнавсозӣ, тозаву озода ва ободу зебо гардонидани манзили ҳар як оила ва дар давоми 10 соли оянда бунёди як муассисаи томактабӣ, як толор ва як майдончаи варзишӣ дар ҳар як деҳа ва маҳаллаи аҳолинишин, ки 100 хоҷагӣ зиёд доранд, мавриди баррасӣ қарор дода, ҳамкориро бо мақомотҳои маҳаллии ҳокимияти давлатӣ ба роҳ монда истодааст.