Дар Донишгоҳи давлатии молия ва иқтисоди Тоҷикистон 347 донишҷӯи хориҷӣ таҳсил менамояд.

Дар ин хусус имрӯз - 30 июл зимни нишасти матбуотии Донишгоҳ ба рӯзноманигорон иттилоъ дода шуд.

Тавре Сатторзода Бобоҷон, ректори Донишгоҳ қайд намуд, донишҷӯён аз кишварҳои Ӯзбекистон, Қазоқистон, Туркманистон, Афғонистон, Ҷумҳурии Халқии Хитой ва Федератсияи Россия дар зинаҳои гуногуни донишгоҳ ба таҳсил фаро гирифта шудаанд.

Ҳамзамон иброз шуд, ки дар давраи ҳисоботӣ 12 нафар донишҷӯ дар доираи барномаи мубодилаи донишҷӯён ба донишгоҳҳои Федератсияи Россия, Ҷумҳурии Беларус ва Ҷумҳурии Қазоқистон барои таҳсил намудан сафарбар карда шудаанд.

Гулафшон КАРИМОВА, “ҶТ”