Шумораи муҳассилини хориҷӣ дар Донишгоҳи давлатии тиббии Тоҷикистон ба номи Абӯалӣ ибни Сино дар ҳоли афзоиш буда, айни замон дар донишгоҳ 1553 нафар муҳассилини хориҷӣ аз 14 давлати дунё таҳкил карда истодаанд.

Гулзода Маҳмадшоҳ Қурбоналӣ, ректори Донишгоҳи давлатии тиббии Тоҷикистон ба номи Абӯалӣ ибни Сино, дар ин бора 16 июл зимни нишасти хабарӣ иттилоъ дода, дар идома гуфт, ки онҳо аз кишварҳои Афғонистон, ИМА, Ҳиндустон, Ӯзбекистон, Қазоқистон, Қирғизистон, Русия ва ғайра мебошанд.

Номбурда вобаста ба масъалаи ин ки дар замони пандемияи коронавирус шаҳрвандони хориҷӣ ба донишгоҳ чи гуна имтиҳон супоридаву дохил мешаванд, гуфт: “Имсол низ ҷалби шаҳрвандони хориҷӣ ба донишгоҳ давом дошта, мо имтиҳонҳои онҳоро тариқи онлайн қабул мекунам ва онҳо аз якуми октябри соли ҷорӣ ба хониш ҷалб карда мешаванд”.

Дар идома ректори донишгоҳ вобаста ба таҳлили натиҷаи имтиҳони хатми давлатӣ дар ДДТТ ба номи Абӯалӣ ибни Сино гуфт, 98,8%-и хатмкунандагон дар соли таҳсили 2019-2020 донишгоҳро бо муваффақият хатм намудаанд. Аз шумораи 1493 нафаре, ки имсол донишгоҳро хатм кардаанд, 59 нафараш бо дипломи аъло мебошад.